Bakıda Amerika-Azərbaycan arasında İqtisadi Əməkdaşlıq Komissiyasının birinci iclası keçirilir. Bundan əvvəl iki ölkə arasında iqtisadi əməkdaşlıq üzrə işçi qrupu fəaliyyət göstərirdi. Komissiyaya Amerika tərəfdən-dövlət katibinin müavini Daniel Salivan, Azərbaycandan isə-maliyyə naziri Samir Şərifov başçılıq edir.
Daniel Sallivan iki ölkə arasında əməkdaşlığın son vaxtlar sürətlə inkişaf etməsi nəticəsində belə komissiyanın yaradılmasına ehtiyac yarandığını bildirib.
Salivan onu da bildirib ki, ABŞ Azərbaycanla təkcə neft sahəsində yox, qeyri-neft sektorunda da əməkdaşlığı genişləndirmək niyyətindədir. Elə buna görə də onun başçılıq etdiyi nümayəndə heyəti əsasən qeyri-energetika sektorunu təmsil edir. İclasın sonunda Azərbaycan və ABŞ hökumətləri arasında gömrük, səhiyyə və iqtisadi sahələri əhatə edən səkkiz sənəd imzalanacaq.