Fevralın 2-də İqtisadi İnkişaf Nazirli tərəfindən «Təzə bazar»da və paytaxtın daha bir neçə ticarət obyektlərində toyuq əti və yumurta yarmarkaları təşkil edilib. Ölkənin müxtəlif quşçuluq firmalarından gətirilən toyuq ətinin bir kilosu yarmarkalarda təxminən 2 manat 60, 2 manat 70 qəpiyə, yumurtaların bir ədədi isə 10 qəpiyə satışa çıxarılıb.
«Təzə bazar»da söhbət etdiyimiz alıcılardan bu yarmarkalardan həm razılıq edənlər, həm də gileylənənlər vardı. Bir alıcı deyirdi ki, başqa yerlərə nisbətən bu yarmarkada həm toyuq ətinin, həm də yumurtanın qiyməti ucuzdur. Digər bir alıcı isə qiymət fərqinin heç də böyük olmadığını və əlavə nəqliyyat xərclərinə düşdüklərini dedi.
Bakıda birinci dəfə toyuq əti və yumurta yarmarkaları ötən ilin dekabrından keçirilməyə başlayıb.