«Erməni soyqırımını inkar edənlərə qarşı cəza tətbiqi qanunu hələ senatın heç gündəliyinə də salınmayıb. Vaxt ötdükcə Fransada seçkilər dönəmi yaxınlaşır və beləliklə bu sənədin senatda qəbuluna şans azalır»- bu fikirləri Fransanın Bakıdakı səfiri Bernar De Şafo yanvarın 25-də keçirdiyi mətbuat konfransında bildirib.
Fransa parlamentinin alt palatası bu ölkə ərazisində erməni soyqrımı adlandırılan hadisələri inkar edənlərin cinayət məsuliyyətinə cəlb olunması barədə qərar qəbul etmişdi. Qərarın hüquqi qüvvəyə minməsi üçün onu senat da qəbul etməli və prezident təsdiqləməlidir. Bu qərar Türkiyədə narazılıqla qarşılanmışdı.