Keçid linkləri

2016, 10 Dekabr, şənbə, Bakı vaxtı 20:41

Qiymət artımından sonra ərzaq məhsullarının keyfiyyəti aşağı düşüb


«Azərbaycanda təmiz mal yoxdur»

«Azərbaycanda təmiz mal yoxdur»

İndi bazarda, dükanda mal alanda aldanmaq ehtimalı artıb. Bakıda söhbət etdiyim alıcıların çoxu qiymət artımından sonra ərzaq məhsullarının əvvəlki keyfiyyətdə olmadığından şikayətçidirlər.

- Heç bilmirsən, nə alırsan. Şit yağdır, yoxsa marqarin, onu bilmək olmur.


- Baxırıq ki, «sroku» yaxşıdır, evdə görürük ki, mal saxtadır.


- Əvvəl mallar elə idi ki, yoxlanıb satışa buraxılırdı, indi haradan gəldi alırlar. Burda hansı keyfiyyətdən söhbət gedə bilər?


Azad İstehlakçılar Birliyindən Eyyub Hüseynov deyir ki, məhsulların keyfiyyətinin azalması səbəbini satıcılarda axtarmaq düzgün deyil. Onun sözlərinə görə, dövlət məmurları öz səlahiyyətlərini aşaraq, bazar qanunlarını pozurlar. Nəticədə isə uduzan tərəf yenə də istehlakçı olur: «Qiymətin qalxdığı belə bir vəziyyətdə keyfiyyətin minimum qalxması müşahidə edilməli idi. Lakin bu da baş vermir. Dövlət məmurunun qorxusundan keyfiyyəti aşağı salma prosesi gedir. Çörəyin qiymətini sabit saxlamaqla, çəkisini, keyfiyyətini aşağı salma prosesi gedir. Çünki məmur yumruğundan qorxur sahibkarlar».


Tarif Şurasının yanvarın 8-dən yanacaq və enerjidaşıyıcıların qiymətinin artırılması barədə qərarından sonra, artıq alıcılar əvvəllər aldıqları məhsullara görə, daha çox pul verməli olublar. Amma bu qiymət artımına adekvat olaraq, alıcılar da, malların keyfiyyətli olmasını tələb edirlər:


- Əlac başqa nəyə qalır, məcbursan alıb yeyəsən.


- Azərbaycanda təmiz mal yoxdur.


- Köhnə mallar satırlar. Heç baxan da yoxdur.


Alıcıların narazılıqlarına baxmayaraq, dövlət nümayəndələri də, bu halı nəzarətdə saxladıqlarını deyirlər. İqtisadi İnkişaf Nazirliyinin Mətbuat Xidmətinin rəhbəri Abbas Əliyev qiymətlərin süni artırılmasının da onların diqqətində olduğunu deyir: «Bizim nazirlik qiymətlərin süni artırılması ilə bağlı tədbirlər görür. Hazırda süni qiymət artımının demək olar ki, qarşısı alınıb».


Günün bütün mövzuları

XS
SM
MD
LG