Baş nazir Rəcəp Tayyip Ərdoğan Türkiyənin başqa şəhərlərindən olanların İstanbula daxil olması üçün viza rejiminin yaradılmasını təklif edir. Onun sözlərinə görə, 15 milyonluq şəhər miqrantların axınından boğulur və hətta seçicilərin səsinin itirilməsi hesabına olsa da, hansısa tədbirlər həyata keçirilməlidir.
Ərdoğan həmçinin şəhərdə maşınların sayının kəskin azaldılmasını təklif edib. Kütləvi informasiya vasitələrinin məlumatına əsasən, hər gün İstanbulda 700-dək yeni maşın peyda olur. Şəhərdə hazırda istifadə olunan maşınların sayı artıq 2,5 milyona çatıb. Meqapolisin infrastrukturu isə bu qədər nəqliyyatla bacara bilmir.
İstanbulun meri olarkən də, Ərdoğan bu kimi təşəbbüslərlə çıxış edib, ancaq, dəstək ala bilməyib.
