Keçid linkləri

2016, 10 Dekabr, şənbə, Bakı vaxtı 23:04

Qars-Axalkalaki-Bakı dəmir yolu layihəsi ilə bağlı nazirlərin görüşü başladı


Üç ölkədən keçəcək dəmir yolu layihəsi 422 milyon dollar dəyərində qiymətləndirilir

Üç ölkədən keçəcək dəmir yolu layihəsi 422 milyon dollar dəyərində qiymətləndirilir

Bu gün Tbilisidə Qars-Axalkalaki-Bakı dəmir yolu layihəsi ilə bağlı Azərbaycan, Türkiyə və Gürcüstan nəqliyyat nazirlərinin görüşü başlayıb. Gürcüstan Nəqliyyat Nazirliyindən «Trend»ə bildiriblər ki, hər üç nazir müzakirələri bağlı qapılar arxasında keçirəcək. Danışıqların nəticələri ilə bağlı jurnalistlər üçün açıqlama şənbə günü veriləcək. Görüşün sonunda layihənin reallaşması üçün Azərbaycan və Türkiyə tərəfindən Gürcüstana kredit ayrılması barədə bir sıra üçtərəfli sənədlərin imzalanması gözlənilir.


Qars-Axalkalaki-Bakı dəmir yolu layihəsi ilə bağlı ötən ilin oktyabrın 13-də üçtərəfli işçi qrupun Bakıda iclası keçirilib. Layihə 422 milyon dollar dəyərində qiymətləndirilir, yaxın infrastrukturlar nəzərə alınmaqla bu rəqəmin 600 milyon dollar olması güman edilir. ABŞ şirkətlərinin layihənin maliyyələşdirilməsində iştirakı qadağan edilib. Qars-Axalkalaki-Bakı dəmir yolunun tikintisi üzrə bəyannamə 2005-ci ilin mayında hər üç ölkənin prezidentləri tərəfindən imzalanıb.


Günün bütün mövzuları

XS
SM
MD
LG