Misal olaraq «Azadlıq» qəzetinin müxbiri Nicat Hüseynovun, Milli İstiqlal Partiyasının mətbuat katibi Əli Orucovun küçədə hücuma məruz qalmaları göstərilir.
Təşkilat həmçinin «Monitor» jurnalının redaktoru Elmar Hüseynovun qətlinin, «Azadlıq» qəzetinin əməkdaşı Fikrət Hüseynlinin, «Bizim Yol» qəzetinin redaktoru Bahəddin Həziyevin oğurlanmasının və döyülməsinin üstünün açılmamasını xatırladır: «Qeyd edilən şəxslərin hamısı müxalif siyasi baxışlara malikdir və hakimiyyətin siyasətini tənqid edirlər. Bu cinayətlərin günahkarlarının aşkar edilməməsi və istintaqının iflasa uğraması Azərbaycan hakimiyyətinin söz azadlığının təmin edilməsinə dair üzərinə götürdüyü öhdəlikləri yerinə yetirmək iqtidarında olmadığını göstərir, cəzasızlıq və özünü sensura atmosferinə səbəb olur».
«Amnesty International» Bakıdan bütün bu cinayətlərin açılması və günahkarların məsuliyyətə cəlb olunması üçün təxirəsalınmaz və zəruri tədbirlər görməyi tələb edir.