Yanvarın 10-da Amerikanın Kubadakı Quantanamo bazasına ilk məhbusların gətirilməsindən 5 il ötür. Bu tarixi qeyd edən beynəlxalq insan haqları təşkilatları, o cümlədən «Amnesty International» və «Helsinki Watch» ABŞ hökumətindən həbsxananı bağlamağı tələb edirlər.
Hüquq müdafiəçilərinin fikrincə, məhbuslara qarşı ittiham irəli sürülməli, əks təqdirdə, onlar azad edilməlidirlər.
Quantanamoya ilk olaraq Əfqanıstanda həbs olunan talibançılar gətirilib. Həbsxanadan 45 ölkədən 759 nəfər keçib. Onlar terrorçuluqla əlaqədə şübhəli bilinirdilər. Hazırda burada 400 məhbus var.
