Keçid linkləri

logo-print
2016, 04 Dekabr, bazar, Bakı vaxtı 00:14

Enerji alınması ilə bağlı danışıqlar başa çatıb


Azərbaycanın illik enerji ehtiyacı 23 milyard kilovatdan artıqdır

Azərbaycanın illik enerji ehtiyacı 23 milyard kilovatdan artıqdır

Rusiyanın RAO «EES» şirkəti ilə «Azərenerji» Səhmdar Cəmiyyəti arasında 2007-ci il üçün elektrik enerjisinin alınmasıyla bağlı danışıqlar dekabrın 30-da başa çatıb.

«Azərenerji» Səhmdar Cəmiyyətinin vitse-prezidenti Marlen Əsgərovun «Azadlıq» radiosuna verdiyi məlumata görə, 2007-ci ilin martına qədər Azərbaycan Rusiyadan elektrik enerjisini köhnə qiymətlərlə alacaq. Rusiya pik saatlarında Azərbaycana 200-250 meqavat enerji ötürməyə razılıq verib. Mart ayından sonra tərəflər alınacaq enerjinin həcmi və qiyməti ilə bağlı danışıqları davam etdirəcəklər.


RAO «EES» şirkəti ilə «Azərenerji» arasında müqavilə ötən ayın 27-də bağlanmalıydı, amma rusiyalı nümayəndələr gəlmədiyindən danışıqlar bir neçə dəfə təxirə salınmışdı.


Hazırda Azərbaycan Rusiyadan pik saatlarında 300 meqavat elektrik enerjisi alır. Rusiya 2007-ci ildən qiymətləri qaldırmaqla yanaşı, Azərbaycana verilən gündəlik elektrik enerjisinin həcmini 60 meqavata endirmək istəyir.


Rusiyadan alınan elektrik enerjisinin 1 kilovatına Azərbaycan 3,6 sent ödəyir. Yeni müqavilədə isə Rusiya elektrik enerjisinin 1 kilovatını 4,1 sentə satmaq istəyir. «Azərenerji» isə bununla razı deyil və qiymətlərin əvvəlki kimi qalmasını istəyir.


Azərbaycanın illik enerji ehtiyacı isə 23 milyard kilovatdan artıqdır.


Günün bütün mövzuları

XS
SM
MD
LG