Keçid linkləri

logo-print
2016, 04 Dekabr, bazar, Bakı vaxtı 14:35

Türkiyənin hərbi sənaye şirkətləri Azərbaycanla əməkdaşlıq etmək istəyirlər


Səfir ölkəsinin hərbi sənaye şirkətlərinin konkret layihələri olduğunu bildirir

Səfir ölkəsinin hərbi sənaye şirkətlərinin konkret layihələri olduğunu bildirir

Türkiyənin Azərbaycandakı səfiri Turan Moralı bildirir ki, ölkəsinin hərbi sənaye şirkətləri «Asilsan» və «Rokitsan» Azərbaycanın Müdafiə Sənayesi Nazirliyinə bəzi təkliflərlə müraciət edib. Səfirin sözlərinə görə, hər iki şirkətin məqsədi hərbi avadanlıq satmaq yox, birgə istehsalla məşğul olmaqdır. Bu yöndə Türkiyə şirkətlərinin konkret layihələri də var: «Bizim ölkənin hərbi sənayesi artıq qurulub, texniki imkanları, infrastrukturu genişdir. Azərbaycanda isə nazirlik yeni yaradılır. İnşallah tədricən Azərbaycanla Türkiyə bu sahədə birgə iş görməyə başlayarlar. Türkiyə ilə Azərbaycanın hərbi əməkdaşlığı, birgə layihələr reallaşdırılması əslində çox normaldır».


Səfir Turan Moralı jurnalistlərlə söhbətində bunu da bildirdi ki, iki ölkə həmçinin peşəkar hərbi kadrların hazırlanması ilə bağlı mövcud proqramları genişləndirmək niyyətindədir.


Səfirin sözlərinə görə, Türkiyə Silahlı Qüvvələri Baş Qərargah rəisi müavini, Quru qoşunları komandanı İlkər Başbuğ yanvarda Azərbaycana gələcək. Səfər zamanı cənab Başbuğun Azərbaycan rəsmiləri ilə görüşü planlaşdırılır.


Günün bütün mövzuları

XS
SM
MD
LG