Keçid linkləri

logo-print
2016, 04 Dekabr, bazar, Bakı vaxtı 16:31

«Quş qripi» ilə bağlı monitorinqin nəticələri bir həftə sonra elan olunacaq


Növbəti monitorinqə dekabrın 25-də start veriləcək

Növbəti monitorinqə dekabrın 25-də start veriləcək

Azərbaycanda «quş qripi»ni müəyyənləşdirmək məqsədilə aparılan monitorinq dekabrın 17-də başa çatıb. Hazırda müxtəlif qoruqlardan, şəxsi və quşçuluq təsərrüfatlarından götürülmüş nümunələr Respublika Baytarlıq Laboratoriyasında müayinə olunur. Nəticələr bir həftə sonra - dekabrın 25-də elan olunacaq.


Bu haqda məlumat verən Kənd Təsərrüfatı Nazirliyi yanında Dövlət Baytarlıq Xidmətinin mətbuat üzrə sözçüsü Yolçu Xanvəli deyir ki, monitorinq zamanı ölmüş çöl quşlarına rast gəlinməyib. «Quş qripi» ilə bağlı növbəti monitorinqə dekabrın 25-də start veriləcək. Monitorinq Ekologiya və Təbii Sərvətlər Nazirliyi, Səhiyyə Nazirliyi, Dövlət Baytarlıq Xidməti və Ovçular Cəmiyyəti tərəfindən aparılır.


İndiyədək aparılan monitorinqlər zamanı ev və çöl quşları arasında «quş qripi» xəstəliyi olmadığı bildirilib. Bununla belə, Dövlət Baytarlıq Xidməti diri quşların satılması, ovlanması, ev quşlarının qapalı şəraitdə saxlanması və xəstəlik tapılan ölkələrdən quş əti, yem gətirilməsi ilə bağlı qadağanı qüvvədə saxlayır.


Azərbaycanda «quş qripi» bu ilin fevralında çöl quşlarında tapılmış, daha sonra bu xəstəlikdən beş nəfər dünyasını dəyişmişdi.


Günün bütün mövzuları

XS
SM
MD
LG