Keçid linkləri

2016, 06 Dekabr, çərşənbə axşamı, Bakı vaxtı 18:12

Beynəlxalq koalisiya Gaddafi qüvvələrinin mövqelərini bombalayır


Liviyada koalisiya qüvvələri Ras Lanuf şəhərində üsyançıların üzərinə hücuma keçmiş Gaddafi qüvvələrinin mövqelərinə zərbələr endirirlər.

Məlumatlara görə bu gün şəhər üzərində hava döyüşü olub.

Üsyançılar taktiki cəhətdən geri çəkiliblər.

Üsyançılar çərşənbə axşamı Gaddafinin doğma şəhəri Sirtenin 100 kilometrliyinə yaxınlaşsalar da hökumət qüvvələri tərəfindən geri oturdulublar.

ABŞ prezidenti Barack Obama Vaşinqtonun üsyançıları silahla təmin etməsinin mümkünlüyünü istisna etməyib.

Çərşənbə axşamı Londonda keçirilən beynəlxalq konfransda Liviyadakı vəziyyətin yoluna qoyulması və Gaddafinin məsuliyyətə cəlb olunmasıyla bağlı əlaqə qrupunun yaradılmasıyla bağlı razılıq əldə olunub.

Əlaqə qrupuna Qətər rəhbərlik edəcək.

Üsyançıların yaratdığı ötəri milli şuranın nümayəndəsi əl Gamati deyib ki, Gaddafi ölkə daxilində cinayət məsuliyyətinə cəlb olunmalıdır.
XS
SM
MD
LG