Keçid linkləri

logo-print
2016, 05 Dekabr, Bazar ertəsi, Bakı vaxtı 08:35

ABŞ səfiri ANS-in bağlanmasını söz azadlığına zərbə hesab edir


Ann Ders: «ANS-in bağlanması səbəblərinin araşdırılmasına ehtiyac var»

Ann Ders: «ANS-in bağlanması səbəblərinin araşdırılmasına ehtiyac var»

«ANS teleradio kampaniyasının yayımının dayandırılması söz azadlığına və kütləvi informasiya vasitələrinə qarşı bir zərbə olub və biz Azərbaycan hökumətini bu məsələni bir daha araşdırmağa çağırırıq». ABŞ-ın Azərbaycandakı səfiri xanım Ann Ders dekabrın 4-də Bakıdakı NATO Evi - Avroatlantik Mərkəzdəki görüşdən sonra jurnalistlərə belə deyib: «Bildiyiniz kimi, Amerika Birləşmiş Ştatları Azərbaycan hökumətini bu qərarına yenidən baxmağa çağırıb. ANS-in bağlanmasına səbəb kimi texniki məsələlər əsas gətirilirdi, ancaq bu məsələnin araşdırılmasına ehtiyac var».


Noyabrın 24-də Milli Televiziya və Radio Şurasının qərarı ilə ANS TV və ANS ÇM radiosunun fəaliyyəti lisenziyanın uzadılmaması əsas gətirilərək dayandırılıb.


NATO-nun gələcəkdəki missiyası və Azərbaycanla əməkdaşlığın perspektivlərinə toxunan xanım Ders onu da bildirib ki, bu təşkilat vasitəsilə Azərbaycan özünün təhlükəsizliyini və islahatlarının davamlılığını gerçəkləşdirə bilər. Ann Ders NATO-nun qapılarının hər zaman açıq olduğunu və Amerikanın bu quruma üzv olmaq niyyətində olan dövlətlərə standartlara uyğunlaşmaq üçün yardım edəcəyini də bildirib.


Günün bütün mövzuları

XS
SM
MD
LG