Noyabrın 24-də 1 saylı Yerli İqtisad Məhkəməsi Dövlət Əmlakının İdarə Edilməsi üzrə Dövlət Komitəsinin «Azadlıq» qəzetinə qarşı irəli sürdüyü iddianı qismən təmin edib. Qərarla, komitənin qəzetdən tələb etdiyi 30 min yeni manat iddia rədd edilib, ancaq məhkəmə nəşrin göstərilən ünvandan çıxarılmasına dair tələbi təmin edib.
«Xəqani-33» ünvanında yerləşən, işdə maraqlı şəxs olan «Turan» İnformasiya Agentliyinin direktoru Mehman Əliyev «Azadlıq» radiosuna deyib ki, onlar qətnamə ilə razı deyillər və bundan Apellyasiya Məhkəməsinə şikayət verəcəklər.
1 saylı Yerli İqtisad Məhkəməsi binanın boşaldılmasına qərarı dərhal icraya yönəldilib.
Dövlət Əmlakının İdarə Edilməsi üzrə Dövlət Komitəsi «Azadlıq» qəzetinə qarşı 30 min yeni manat icarə haqqının ödənilməsi və yerləşdiyi «Xəqani-33» ünvanından çıxarılması tələbinə dair məhkəmə iddiası qaldırıb. Noyabrın 9-dan etibarən isə bir qrup jurnalist buna etiraz olaraq aclıq aksiyasına başlayıblar.
