“1946-cı ilin 12 dekabrı... Axşam saat 7 civarında bir maşın gəldi. Bizi o maşına mindirdilər. Yerə 3-4 yorğan saldılar. Atamı, anamı, bacılarımı, məni gətirdilər Culfaya. Soyuq bir gün idi. Mən maşının barmaqlıqlarından baxırdım. Sərhədə çatanda qışqırıq səsləri eşitdim: “Kavian gəldi! Kavian gəldi!.”. Ruslar qapını açdılar. Atam sərhədi keçdi. 10 dəqiqə kiminləsə söhbətləşdi. Sonra geri qayıdıb bizi adbad səslədi: “Səkinə, Məlahət, Turan, Marks... düşün!”. Hamımızı sərhəddən keçirdi... Gəldik Naxçıvana. Baş prokuror Tağı Qəhrəmanovun evində 15 gün qaldıq. Yanvarda Bakıya gəldik...”.
Bu sözlər 1945-ci ildə qurulmuş, düz bir il ömür sürmüş Cənubi Azərbaycan Milli hökumətinin müdafiə naziri Cəfər Kavianın Bakıda yaşayan oğlu Marks Kavianın AzadlıqRadiosuna dediklərindəndir.
Hər il Milli Hökumətin yaranış və süqut günü- 1945-ci ilin 12 dekabrından 1946-cı ilin 12 dekabrınadək yaşananlar yaddaşlarda təzələnir, müzakirə mövzusuna çevrilir.
- “21 Azər” nədən yarandı?
- Niyə yenildi?
- Pişəvəri öldü, ya öldürüldü?
- Bu inqilab nə qədər insanın canı bahasına başa gəldi?
Suallar çox, cavablar fərqli...
AzadlıqRadiosunun “İz” proqramı bu bazar efirə gedən sayını bir daha “21 Azər” hərəkatına həsr edib.
Dekabrdan-dekabradək olan mübarizə tarixinə bir də fərqli baxış bucağından baxaq.
Dekabrın 18-də saat 23-də izə düşün, “İz”dən çıxmayın.
