Keçid linkləri

logo-print
2016, 05 Dekabr, Bazar ertəsi, Bakı vaxtı 20:54

Nihad Qulamzadə

Mənə ətrinin adını yaz

Mənə ətrinin adını yaz
Heç yerdə tapmayım
Tək səndə olsun
Heç kim qoxlamasın
Özümdən başqa

Mənə ətrinin adını yaz
Duymasın heç bir ətriyyatçı
Bilməsin nədən, hardan
Gəlir...
Bu sevgi iyi

Mənə ətrinin adını yaz
Başımı fırladıb,
Kənara atsın
Getməsin qoxusu burnumdan
Hər nəfəsdə
Səni xatırlatsın

Mənə ətrinin adını yaz
Ovucuma dağıdım
Ovcum sən olsun
Ovcuma sarılım sənin yerinə...

Mənə ətrinin adını yaz
Sarışın qadın.
Saçlarına dağıdım
Saçların mənim olsun

Mənə ətrinin adını yaz
Ətirsiz mənə
Biraz damladım

Mənə ətrinin adını yaz
Sevgi ilə alınan
Mənə məxsus
Sənin olan

Mənə ətrinin adını yaz
Mən olan qadın
Ətrin qoynumun
Qoynum sənin olsun...

Günün bütün mövzuları

Şərhləri göstər

XS
SM
MD
LG