Keçid linkləri

2016, 09 Dekabr, Cümə, Bakı vaxtı 00:42

Erməni mənşəlli rus yazıçısı Narine Abgaryan 1971-ci ildə Ermənistanın Tavuş rayonunun Berd şəhərində doğulub. O 1993-cü ildən bəri Moskvada yaşayır. Narine ədəbiyyata Ermənistandakı həyatı, uşaqlığı, gəncliyi haqda bloq yazıları yazaraq başlayıb. Onun “Manyunya” adlı avtobioqrafik povesti çıxdıqdan sonra yazıçı kimi məşhurlaşmağa başlayıb. Narine Abgaryan əsasən uşaq romanları və povestləri yazır. “Sputnikarmenia” radiosuna müsahibəsində Narine deyir ki, ana tərəfi qarabağlıdır, onun anasının ailəsi əvvəl Şuşada yaşayıb və sonra Gəncəyə köçüb, həmçinin onun doğulub boya-başa çatdığı Berd şəhərinin əhalisinin bir hissəsi də Qarabağdan köç etmiş ermənilərdir. Buna görə də o Qarabağ haqda hekayələr toplusunu yazmaq istəyir.

Buna da bax: Erməni yazıçı Bakıda başına gələnləri danışır

“Mən Qarabağ haqda toplu yazmağı düşünürəm. Bu topluda müharibəyə gedən dinc əhalinin məişət həyatı əks olunacaq. Hər bir hekayədə müharibənin bir şəkildə həyatına təsir etmiş insanların taleyi göstəriləcək. Orda həm xatirələr, həm də Qarabağdan olan şəxsən tanıdığı adamların əhvalatları yer alacaq. Həmin adamlar 90-lar müharibəsi dövründə yaşamış şəxslərdir”. – deyə Narine Abgaryan müsahibəsində bildirib.

Günün bütün mövzuları

Şərhləri göstər

XS
SM
MD
LG