Almaniyanın “Lufthansa” hava şirkəti pilotların tətilinə görə yüzlərlə reysi təxirə salmalı olub.
“Lufthansa” nın sərnişindaşıma “Eurowings” şirkəti noyabrın 23-də ikigünlük tətilə başlayıb.
Buna səbəb həmkarlar ittifaqlarının liderlərilə “Lufthansa” rəhbərliyi arasında aparılan növbəti danışıqlarda tərəflərin yenə razılığa gələ bilməməsi olub.
Söhbət maaşların qaldırılmasından gedir.
Nəticədə 3 min reysdən 876-sı çərşənbə günü təxirə salınıb.
AzadlıqRadiosu “Azərbaycan hava yolları” (AZAL) şirkətindən tətilin Bakı reyslərinə təsir göstərib-göstərməməsinə aydınlıq gətirməyə çalışsa da bu sualla “Lufthansa” ya müraciət ertmək məsləhət görülüb.
Bu son 2 il ərzində “Lufthansa” şirkətində keçirilən 14-cü tətildir.