Keçid linkləri

logo-print
2016, 04 Dekabr, bazar, Bakı vaxtı 16:21

Beynəlxalq Olimpiya Komitəsi (BOK) Pekin-2008 Yay Olimpiya Oyunlarında dopinqdən istifadə suçlanan 16 idmançının nəticələrini ləğv edib.

APA-nın xəbərinə görə, onların arasında iki azərbaycanlı atlet də var. Ağır atlet Nizami Paşayev və yunan-Roma güləşçisi Vitali Rəhimovun qanlarında qadağan olunmuş turinabol maddəsinə rast gəlindiyi bildirilir. BOK-un qərarına əsasən, hər iki idmançının dopinq testlərinin ikinci variantı da müsbət nəticə verdiyindən, nəticələri keçərli sayılmayıb.

94 kq çəki dərəcəsində yarışan N.Paşayev Çinin paytaxtında 5-ci yeri tutmuşdu. Vitali Rəhimov isə 60 kq çəki dərəcəsində gümüş medal qazanmışdı. O, həm medalı, həm də diplomunu təhvil verməlidir.

Hər iki idmançı artıq karyeralarını başa vurublar.

Son illərdə azərbaycanlı idmançıların adı tez-tez dopinq qalmaqallarında hallanır.

2013-cü ildən 2014-cü ilə qədər Azərbaycanın 18 idmançısı dopinqə görə cəzalandırılıb. 2015-ci ildə Azərbaycanın daha 6 ağır atletində dopinq aşkarlandığı bildirilib. Buna görə Azərbaycan builki Rio Olimpiadasındakı iki lisenziyasından məhrum edilib. Bu yaxınlarda da Azərbaycanın ağırlıqqaldırma üzrə 7 atleti dopinq testdən keçə bilmədiklərinə görə 8 il müddətinə yarışlardan kənarlaşdırılıblar.

Bu günlər ölkə parlamenti dopinqlə mübarizəyə dair qanun qəbul edib.

Günün bütün mövzuları

Şərhləri göstər

XS
SM
MD
LG