Keçid linkləri

logo-print
2016, 03 Dekabr, şənbə, Bakı vaxtı 08:45

Noyabrın 18-i Ali Məhkəmə REAL Hərəkatının həbsdəki lideri İlqar Məmmədov və Müsavat Partiyası başqan müavini Tofiq Yaqublu ilə bağlı Şəki Apelyasiya Məhkəməsinin qərarından kassasiya şikayətinə baxacaq.

REAL Hərəkatının sosial şəbəkələrdəki səhifələrində məhkəmənin ədalətli qərar verəcəyinə ümid ifadə edilir.

“Ümid edirik ki, nəhayət bu dəfə İlqar bəy üçün ədalət bərqərar olunacaq!”, deyə qeyd olunur.

Buna da bax:​ Müsavat İlqar Məmmədova azadlıq tələb edir

İ.Məmmədovun vəkillərindən Cavad Cavadov isə yazır ki, siyasətçinin həbsdən azad edilməsinə inanmır:

“İlqar Məmmədovun həbsdən azad edilməsini 99,99 faiz istisna edirəm”.

Vəkilə görə, Ali Məhkəmə ya işi qeyri-müəyyən vaxta yenidən təxirə salacaq, ya qərarı qüvvədə saxlayacaq, ya da qərarı ləğv edib işi yenidən Şəki Apelyasiya Məhkəməsinə göndərəcək.

İ.Məmmədovla T.Yaqublu 2013-cü ilin yanvarında İsmayıllıda baş vermiş kütləvi iğtişaşların təşkilində ittiham olunublar. İlqar Məmmədov 7, Tofiq Yaqublu isə 5 il azadlıqdan məhrum edilib.

Buna da bax: 'Human Rights Watch'dan İlqar Məmmədov kampaniyası

Apelyasiya Məhkəməsi hökmü ədalətli saysa da, 2015-ci ilin oktyabrında Ali Məhkəmə kassasiya şikayətinə baxaraq işi təkrar baxılmaqdan ötrü Şəki Apelyasiya Məhkəməsinə göndərmişdi.

2015-ci ilin əvvəlində Avropa İnsan Hüquqları Məhkəməsi (AİHM) İ.Məmmədovun şikayətini təmin edərək onun azadlığa buraxılması barədə qərar qəbul edib. Avropa Şurası Nazirlər Komitəsi dəfələrlə Azərbaycan hökumətini Strasburq məhkəməsinin qərarını yerinə yetirməyə çağırıb. Həmin ilin noyabrında AİHM T.Yaqublunun şikayətini də təmin edib.

Buna da bax:​ İlqar Məmmədovla bağlı daha bir qətnamə

Bu ilin martında isə T.Yaqublu prezidentin əfv fərmanı ilə azadlığa çıxıb.

Ancaq bu il aprelin 29-da Şəki Apelyasiya Məhkəməsi əvvəlik hökmü qüvvədə saxladığından İlqar Məmmədov, hələ də, həbsdədir.

Günün bütün mövzuları

Şərhləri göstər

XS
SM
MD
LG