Keçid linkləri

2016, 06 Dekabr, çərşənbə axşamı, Bakı vaxtı 18:24

Bu gün, noyabrın 17-də Respublika Perinatal Mərkəzində beşəm dünyaya gəlib.

Respublika Perinatal Mərkəzinin direktoru Sevinc Məmmədova APA-ya deyib ki, 25 yaşlı Bakı sakini Aysel Əzimzadə səhər saat 7 radələrində 4 oğlan, 1 qız olmaqla beşəm dünyaya gətirib.

Onun bildirməsinə görə, bu, ananın 2-ci hamiləliyi olub.

Direktor qeyd edib ki, birinci hamiləlikdə uşaqlar əkiz olub, onlar inkişafdan qaldıqlarından vaxtından əvvəl abort olunublar: «Ana ikinci hamiləliyə dərmanlar vasitəsilə qalıb. Hamiləliyin 20-ci həftəsinə qədər ana 3 saylı Şəhər Klinik Xəstəxanasında həkim Mehman Həmzəyevin xəstəsi olub. Ana hamiləliyin qorunması üçün müxtəlif dərmanlar qəbul edib. Vəziyyəti pisləşəndən sonra Aysel Əzimzadə noyabrın 11-də kəskin qanaxma ilə Mərkəzə daxil olub. Vəziyyəti kəskin ağır olan ananın qaraciyər və böyrək funksiyalarının stabilləşdirilməsi məqsədilə lazımi yardım göstərilib».

Direktorun deməsinə görə, doğuş spontan-özbaşına fəaliyyətə başlayıb: «Nəticədə çəkisi 200 qramdan 420 qrama qədər olan 5 uşaq doğulub. Lakin görülən bütün tədbirlərə baxmayaraq, körpələrin hamısı ölüb. Son bir ayda qaraciyər və böyrəyində kəskin surətdə baş verən pisləşmələr nəticəsində ananın qanında müəyyən dəyişmələr var. Nəticədə uşaqlar 24-cü həftədə zəif inkişaf etmiş doğulublar. Ananın böyrəyini və qaraciyərinin kəskin pisləşməsi hamiləliyə öz təsirini göstərib».

Ananın və onun qohumlarının hadisəyə münasibətini, hələlik, öyrənmək mümkün olmayıb.

Şərhləri göstər

XS
SM
MD
LG