-
Məşhur amerikan rejissoru, "Kriminal qiraət" və "Quduz köpəklər" kimi filmlərin rejissoru Quentin Tarantino təqaüdə çıxmaq bağlı özünə qoyduğu ciddi şərtini elan edib. Ancaq bundan öncə o hələ iki film də çəkəcəyini deyir.
Hollywood Reporterin xəbərinə görə, bu haqda o çərşənbə günü San Dieogoda çıxışı zamanı açıqlayıb.
Rejissorun sözlərinə görə o bu qərarını 2012-ci ildə verib və təqaüdə çıxandan sonra roman yazmaq, teatrda çalışmaq istəyir. Ancaq o təqaüdə çıxmazdan öncə heç olmasa 12 filmin rejissoru olmaq istəyir. 2015-ci ilin yanvar ayında 10-cu filmi "Mənfur səkkizli"yi təqdim edən rejissor hələ kariyerasını sona vurmaq üçün iki film daha çəkəcəyini deyib.
Buna da bax: Tarantinonun sevimli filmləri - SİYAHI
"İstərdim kariyeramı başa vuranda yaşamış ən böyük rejissor kimi başa vura biləcəyim işlərim olsun, həmçinin təkcə böyük rejissor deyil, həm də böyük sənət adamı kimi tarixdə qalmaq istəyirəm" - deyə Tarantino San Diegoda baş tutmuş mühazirəsi zamanı bildirib.
Bundan başqa Tarantino son çəkəcəyi filmi haqda ipucu da verib: "Mənim 30-cu illər Avstraliyasından bəhs edən bir film ideyam var. Bu bir növ Bonni və Clyde stilində film olacaq, Avstraliyada yaşayan cinayətkar cütlükdən bəhs edəcək. Necə bir şey alınacağını zaman göstərəcək" - deyə rejissor bildirib.
