Keçid linkləri

2016, 10 Dekabr, şənbə, Bakı vaxtı 17:16

Türkiyə ilə İraq arasında mübahisəyə Obama da qarışıb


B.Obama|R.T.Erdoğan

B.Obama|R.T.Erdoğan

ABŞ prezidenti Barack Obama Ankara ilə Bağdad arasında mübahisəyə öz münasibətini bildirib. Obama türk həmkarı Erdoğan-ı İŞİD-ə qarşı əməliyyatlar zamanı Vaşinqton və Bağdadla koordinasiyaya çağırıb.

Türkiyə prezidenti Recep Tayyip Erdoğan İraqın Mosul şəhərini İŞİD-dən azad edəcəyinə söz verib. Halbuki İraq hökuməti türk əsgərlərinin onların ərazisində qanunsuz olaraq fəaliyyət göstərdiyini bildirir.

Ağ evdən verilən məlumata görə, dünən, oktyabrın 26-da Obama Erdoğan-a zəng edib. O, Mosul əməliyyatlarının uğurlu olması üçün Ankaranın həm Bağdad, həm də Vaşinqtonla əməkdaşlığının vacibliyini vurğulayıb.

Bundan başqa, Obama Erdoğan-ı İraqla davamlı dialoqa çağıraraq, İŞİD-lə mübarizədə Türkiyənin iştirakının forması və səviyyəsini birlikdə müəyyən etməyin zəruri olduğunu söyləyib.

Ağ ev deyir ki, söhbət zamanı Obama da, Erdoğan da İraqın suverenliyini və ərazi bütövlüyün dəstəklədiklərini bildiriblər.

Günün bütün mövzuları

XS
SM
MD
LG