Keçid linkləri

2024, 29 Mart, Cümə, Bakı vaxtı 01:28

Bahalaşmanı hökumət də təsdiqlədi


Arxiv fotosu
Arxiv fotosu

Ötən ay inflyasiya 2,3 faiz olub. Dövlət Statistika Komitəsi (DSK) avqustda 0,5 faiz inflyasiya olduğunu bildirmişdi.

Sentyabrda ərzaq məhsulları - 4 faiz, qeyri-ərzaq məhsulları - 1,6 faiz, əhaliyə göstərilən ödənişli xidmətlər 0,6 faiz bahalaşıb.

Həmin ayda, demək olar, qiyməti qalxmayan ərzaq qalmayıb: düyü, un, çörək, makaron məmulatları, qarabaşaq, yulaf və arpa yarması, mal, qoyun və toyuq əti, balıq məhsulları, kolbasa məmulatları, süd məhsulları, yumurta, kərə və bitki yağları, qənd və şəkər tozu bahalaşıb. Siqaretin də qiyməti artıb.

Buna da bax:​ Xaricə yükdaşımalar milli valyutada bahalaşıb

Soğan sevindirib?

Yay mövsümünün bitməsilə bir çox meyvə-tərəvəz də (limon, banan, üzüm, kələm, göyərti, pomidor, xiyar, badımcan, bibər, göy lobya, kartof, kök, çuğundur, sarımsaq) daha yüksək qiymətə satılmağa başlanıb.

Buna da bax:​ Avtomobil hissələrində kəskin bahalaşma

DSK cəmi üç çeşid meyvə-tərəvəzin – alma, balqabaq və soğanın ucuzlaşmasını qeydə alıb.

Bütövlükdə yanvar-sentyabr aylarında istehlak məhsulları və xidmətlərin qiymətləri ötən ilin eyni dövrüylə müqayisədə 11,2 faiz bahalaşıb. Ərzaq - 12,7 faiz, qeyri-ərzaq məhsulları - 15,9 faiz daha baha satılıb. Əhaliyə ödənişli xidmətlərin qiymətlərində 5,2 faiz artım qeydə alınıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG