Keçid linkləri

2016, 08 Dekabr, Cümə axşamı, Bakı vaxtı 00:42

Akif Çovdarovun məhkəməsi təxirə salındı


Məhkəmə oktyabrın 4-dək təxirə salınıb.

Buna səbəb təqsirləndirilən şəxslərdən Akif Çovdarovun vəkili Sadiq Rəsulovun məhkəmənin vaxtı və yeri barədə məlumatlandırılmaması və bu üzdən prosesdə iştirak etməməsidir.

A.Çovdarov dövlət hesabına vəkildən də imtina edib.

Məhkəmədə A.Çovdarov çıxış edib. O bildirib ki, ona 56-cildlik iş materialları ilə tanış olmağa yetərincə vaxt verilməyib.

Təqsirləndirilən Səlim Məmmədovun vəkili Cavid Rzazadə bildirib ki, ümumilikdə iş üzrə 300-dək şahid və zərərçəkmiş var. Zərərçəkmişlərin təxminən 15-ə qədəri hazırlıq iclasında iştirak edirdi.

Jurnalistlər buraxılmadı

Sabunçu Rayon Məhkəməsində keçmiş MTN-nin idarə rəisi Akif Çovdarov, eləcə də, Akif Əliyev, Orxan Osmanov və Səlim Məmmədovun işi üzrə məhkəmə prosesi başlayır. Sentyabrın 20-də bu iş üzrə məhkəmənin hazırlıq iclası keçirilir.

MTN-in Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarov və digər keçmiş idarə rəislərinin işinə Bakı Hərbi Məhkəməsinin hakimləri baxır. Məhkəmə prosesinə Həbib Həsənov sədrlik edir.

Prosesə jurnalistlər buraxılmır. Məhkəmədəki mühafizəçi polislər və nəzarətçilər jurnalistlərin buraxılmaması barədə göstəriş verildiyini deyirlər.

Prosesdə iştirak edən vəkillərin də telefonları alınıb.

Qeyd edək ki, hətta məhkəmə prosesi qapalı keçirilsə belə, hazırlıq iclası mütləq açıq olmalı, istənilən şəxs iştirak edə bilməlidir.

Buna da bax-MTN şefinin gedişi ətrafında sirr pərdəsi

A.Çovdarov və digərlərinə vəzifə səlahiyyətlərindən sui-istifadə, rüşvət alma, mənimsəmə, qanunsuz silah saxlama, hədə-qorxu ilə pul tələb etmə və digər ağır maddələr ilə ittiham irəli sürülüb.

Ötən ilin oktyabrında milli təhlükəsizlik naziri Eldar Mahmudov işdən çıxarılıb. Bunun ardınca da nazirliyin 20-yə yaxın yüksəkçinli əməkdaşı həbs olunub.

Ötən ilin dekabrında nazirlik ləğv edilib, bazası əsasında Dövlət Təhlükəsizliyi Xidməti və Xarici Kəşfiyyat Xidməti yaradılıb.

MTN şefinin gedişi ətrafında sirr pərdəsi

Günün bütün mövzuları

XS
SM
MD
LG