“Həcc ziyarətini başa vuran azərbaycanlı zəvvarların ilk dəstəsi sentyabrın 19-da vətənə dönüb”.
Bu xəbəri Qafqaz Müsəlmanları İdarəsindən bildiriblər.
Həcc ziyarətinin təşkilatçıları bildiriblər ki, Səudiyyə Ərəbistanından gələn ilk təyyarə artıq Bakı aeroportuna enib. Yaxın saatlarda ikinci təyyarənin də enəcəyi bildirilir:
“Bütünlükdə isə sentyabrın 22-nə kimi bütün zəvvarlar vətənə dönəcəklər”
Buna da bax: Azərbaycanlı zəvvarlar həcc ziyarətinə yollandılar.
Zəvvarlar sentyabrın 2-si, 3-ü və 4-ü yola düşmüşdülər.
Builki ziyarətlərinin qiyməti 3500 və 4500 dollar təşkil edib.