Keçid linkləri

2024, 28 Mart, Cümə axşamı, Bakı vaxtı 16:37

Daha 7 gəncə 8 sutka verildi


Milli Şuranın mitinqindən sonra polislə iştirakçılar arasında qarşıdurma yaranıb
Gözlə

No media source currently available

0:00 0:01:07 0:00

Milli Şuranın mitinqindən sonra polislə iştirakçılar arasında qarşıdurma yaranıb

Daha 7 gəncə Yasamal Rayon Məhkəməsində 8 sutka inzibati həbs cəzası verilib. Onlar da polisə müqavimətdə ittiham edilir.

Bundan əvvəl isə gənclərdən 4-nə eyni ittihamla 8 sutka inzibati həbs verilmişdi. Bir nəfər isə sərbəst buraxılmışdı.

Qalan 2 gəncə yaxın bir saatda hökm oxunmalıdır.

Bir gənc buraxıldı

Gənclərdən biri - Emin Maniyev Yasamal rayon 29 saylı Polis Bölməsindən sərbəst buraxılıb. Onun işinin məhkəməyə göndərilmədiyi bildirilir.

8 sutka

Bu gün - sentyabrın 19-u Yasamal Rayon Məhkəməsi Milli Şuranın aksiyasından sonra tutulan gənclərdən 4-nə 8 sutka inzibati həbs verib.

AzadlıqRadiosunun müxbiri xəbər verir ki, onlar Toğrul İbrahim, Məcnun Pirəliyev, Ülfət Həsənqarayev və Orxan Carçıdır.

Gənclər polisə müqavimət göstərməkdə təqsirli bilinir.

Milli Şuranın sentyabrın 17-də keçirilən referendum əleyhinə aksiyasında ümumilikdə 14 gəncin saxlandığı bildirilir. Yaxın dəqiqələrdə digər saxlananlarla da bağlı hökm veriləcəyi gözlənir.

Şahidlərin sözlərinə görə, Milli Şuranın sentyabrın 17-də keçirilən mitinqdən sonra polis aksiyaçılara hücum edərək, onları əvvəlcədən gətirdikləri avtobuslara doldurub. 40-dan artıq aksiyaçı tutulub. Polis müdaxiləsindən öncə gənclərdən metronun «İnşaatçılar» stansiyasına doğru irəliləyərkən müxtəlif şüarlar səsləndirənlər də olub. Saxlananlardan çoxu sonradan sərbəst buraxılıb.

Bakı Şəhər Baş Polis İdarəsinin yaydığı məlumatda qeyd edilirdi ki, aksiya iştirakçılarından bəziləri ictimai asayişi pozduqlarına görə saxlanıblar.

Milli Şura Konstitusiyaya dəyişiklik əleyhinə aksiya keçirib.

Buna da bax- 'Monarxiyaya yox!'. Milli Şuranın ikinci mitinqi

Milli Şura mitinq keçirdi. Polislə qarşıdurmada saxlananlar var
Gözlə

No media source currently available

0:00 0:02:36 0:00

Konstitusiyaya dəyişikliklərlə bağlı sentyabrın 26-da referendum olacaq.

Referendum Aktı layihəsində Azərbaycanda birinci vitse-prezident və vitse-prezidentlər postunun yaradılması nəzərdə tutulur. Habelə, prezidentin səlahiyyət müddəti 5 ildən 7 ilə artırılır. Prezident və parlament seçkilərində yaş məhdudiyyəti aradan qaldırılır. Bütün bunlardan başqa, prezidentə parlamenti buraxmaq səlahiyyəti də verilir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG