Bu ilin əvvəlindən ölkə əhalisinin sayı 59,8 min nəfər artıb.
2016-cı il avqustun 1-nə olan məlumata görə, Azərbaycanda əhalinin sayı 9765,4 min nəfərə çatıb.
Dövlət Statistika Komitəsindən AZƏRTAC-a bildiriblər ki, əhalinin sıxlığı bir kv/km-ə 113 nəfər düşüb. Ölkə əhalisinin 53,1 faizi şəhərlərdə, 46,9 faizi isə kəndlərdə yaşayır. Əhalinin 49,8 faizi kişilərin, 50,2 faizi qadınların payına düşür. Hər 1000 kişiyə hazırda 1007 qadın düşdüyü bildirilir.