Rio-de-Janeyroda keçirilən XV Yay Paralimpiya Oyunlarında Azərbaycan üzgüçüsü Roman Saley gümüş medal qazanıb.
AZƏRTAC-ın xəbərinə görə, arxası üstə üzmə üsul ilə yarışların finalında Roman Saley 100 metr məsafəni 1:00.91 saniyəyə qət edib.
Beləliklə, Azərbaycan Paralimpiya Oyunlarında medalların sayını 9-a çatdırıb.
Sentyabrın 8-də Braziliyanın Rio-de-Janeyro şəhərindəki «Marakana» stadionunda XV Yay Paralimpiya Oyunlarının açılışı olub. Yarışlar sentyabrın 18-də başa çatacaq.