2016-2017-ci tədris ilində ümumilikdə ölkə üzrə 164 033 şagird birinci sinfə gedəcək.
Bu haqda Təhsil Nazirliyinin saytı xəbər verir.
Xəbərdə bildirilir ki, 4 472 ümumi təhsil müəssisəsində 1 415 242 nəfər şagird oxuyacaq.
Buna da bax: Bir uşağı məktəbə göndərməyin xərci [infoqrafika]
Yeni dərs ilində Bakıda 43 397 şagird birinci sinfə gedəcək. Bakı üzrə Təhsil İdarəsinin tabeliyində olan məktəblərdə yeni tədris ilində oxuyacaq şagirdlərin sayı da 354 573 nəfər olacaq.
Bu tədris ilində ölkə üzrə 29 yeni məktəbin istifadəyə veriləcəyi, 17 məktəbin əsaslı, 384 məktəbin də cari təmir edildiyi bildirilir. 10 təhsil müəssisəsinin tikintisi isə davam edir.