Keçid linkləri

2016, 10 Dekabr, şənbə, Bakı vaxtı 01:33

Sel suları 1400 metr fiberoptik, 800 metrə yaxın TPP kabelini sıradan çıxarıb, 30-a yaxın dirəyi isə su aparıb.

«Region TV» bu xəbəri Quba Telekommunikasiya Qovşağının rəisi Kamran Əhmədova istinadən yayıb.

Xəbərə görə, nəticədə rayonun 20-yə yaxın yaşayış məntəqəsi ilə rabitə əlaqəsi kəsilib. Qonaqkənd-Söhüb, Küpçal-Qəçrəş, Zərqova-Çiçi, Xınalıq istiqamətindəki kəndlərdə fəaliyyət göstərən ATS-lər daha çox ziyan görüb.

Xınalıq kəndi ilə rabitə əlaqəsi tamamilə kəsilib. Yaşayış məntəqəsində hazırda mobil operatorların xidmətlərindən belə yararlanmaq mümkün deyil.

Qovşağın əməkdaşları fəsadların aradan qaldırılması üçün fəaliyyətə başlayıb, artıq Zərqova-Çiçi istiqamətində rabitə əlaqəsi bərpa edilib.

Sentyabrın 1-i axşam saatlarında İsmayıllı-Qəbələ, Quba-Xaçmaz zonasında və Lənkəranda sel yağışları olub, daha çox ziyan çəkən İsmayıllıda 16 kəndə gediş-gəlişdə problemlər yaranıb.

Günün bütün mövzuları

XS
SM
MD
LG