►Dollar almaq istəyənlərin vəziyyəti getdikcə çətinləşir.
Son günlər ölkədə fəaliyyət göstərən banklar dollar satışına limit qoymuşdular. Bəzi bankların isə dollar satışını tamamilə dayandırdıqları bildirilirdi.
Fins.az-ın məlumatına görə, artıq, bu prosesə ölkənin ən iri bankları da qoşulub. Xəbərdə qeyd edilir ki, daha 2 bank “Azərbaycan Beynəlxalq Bankı” və “Unibank” dollar satışını tamamilə dayandırıb.
“Azərbaycan Beynəlxalq Bankı” sentyabrın 1-də 200 dollar limitlə satış həyata keçirirdi. Eyni həcmdə limitlə avro satışı da reallaşdırılırdı. “Unibank” isə ötən gün 100 dollar limitlə satış həyata keçirib.
Buna da bax-'Bu vəziyyət növbəti kəskin devalvasiyadan xəbər verir'
Saytın məlumatına görə, bununla da dollar satışını dayandırdığını açıqlayan bankların sayı rəsmən 25-ə çatıb.
Xəbərdə qeyd edilir ki, digər bankların da dollar satdığını demək olmaz Çünki qalan banklardan da əsasən “indi yoxdur, axşam olacaq ”, ya da “səhər vardı, satıb qurtardıq ” cavabları eşidilir.