Keçid linkləri

2016, 29 Sentyabr, Cümə axşamı, Bakı vaxtı 15:50

İran OPEK üzvləri ilə neftin qiyməti ilə bağlı əməkdaşlıq edəcək, ancaq iqtisadi sanksiyalar nəticəsində itirdiyi bazarı bərpa etmək səylərindən də əl çəkməyəcək.

Neft naziri Bijan Zanganeh-in bu fikirlərini «Shana» xəbər agentliyi yayıb. Onun sözlərinə görə, İran OPEC-lə neftin qiymətini artırmaqla bağlı əməkdaşlıq edəcək, ancaq onlar ümid edirlər ki, itirilmiş bazarı qaytarmaq istəkləri anlayışla qarşılanacaq.

«İran xam neftin qiymətlərində stabilliyin pozulmasında rol oynamayıb», - B.Zanganeh deyib və əlavə edib ki, 2014-cü ildə bazarda yaranmış qeyri-stabil vəziyyətdən İran neft ixracında gündə 1 milyon barrel neft itirib: «Biz gözləyirik ki, kim neft bazarının stabilliyini pozub, o da sabitliyin bərpası üçün üzərinə yüksək məsuliyyət götürsün», - nazir deyib.

Bu ilin yanvarında sanksiyalar qalxandan sonra Tehran gündəlik neft ixracatının iki dəfə qalxdığını və 2.7 milyon barrel olduğunu bildirib.

XS
SM
MD
LG