►Hökumət daha iqtisadi artımdan danışmır!
Son illərə kimi hökumətin fəxr etdiyi göstəricilərdən biri də iqtisadi artım idi. İndi bunun üzərindən sükutla keçirlər.
Əslində, gözlənilən baş verib.
Neftə əsaslanan iqtisadi artımın sonu olmalı idi. 2006-ci ildə 34.5% faiz olan iqtisadi artım 5 ildən sonra, 2011-ci ildə 0.1 faizə düşdü.
5 ildə iqtisadi artım tempi 345 dəfə azaldı. Bu da ölkə üçün vacib olan dayanıqlı iqtisadi artım prinsipinə ziddir.
Buna da bax: Böhranla sovrulanlar
Hökumət bu ilə də 1.8%-lik iqtisadi artım proqnoz edir.
Amma ilin 7 ayının nəticələri göstərir ki, bu proqnoz özünü doğrultmayacaq. 2016-cı ilin yanvar-iyul aylarında ölkədə 32 milyard 122,6 milyon manatlıq və ya əvvəlki ilin eyni dövrünə nisbətən 3 faiz az ümumdaxili məhsul (ÜDM) istehsal edilib.
Buna da bax: İlham Əliyev: Bəlkə yavaşlayaq?
Hökumət ikiqat artım istəyir
İqtisadi artımla bağlı dövlətin növbəti hədəfi növbəti 10 ildə ÜDM-ni ikiqat artırmaqdır. Bunu bir neçə il öncə iqtisadi inkişaf naziri Şahin Mustafayev deyirdi. Nazirlər Kabinetinin 2011-ci ilin sosial-iqtisadi inkişafının yekunlarına və 2012-ci ildə qarşıda duran vəzifələrə həsr olunmuş iclasında o, növbəti 10 ildə qeyri-neft sektoru hesabına ÜDM-nin iki dəfə artırılmasının hədəf götürüldüyünü bildirmişdi. İqtisadi hesablamalara görə, bunun üçün ildə 7-8 faizlik artım olmalıdır.
Buna da bax-'Dollar bahalanmaqda davam edəcək'
Artıma necə nail olmaq olar?
İqtisadçı ekspertlər hesab edir ki, bu, iki halda mümkündür: Birincisi, islahatlar aparılmalıdır. Bu islahatlar həm liberallaşma, həm də antikorrupsiya sahəsində olmalıdır. İkincisi isə, onların qənaətinə görə, “gizli iqtisadiyyat” leqallaşdırılsa, ÜDM-ni 1.5 dəfə artırmaq mümkün ola bilər. Hesablamalara görə, ÜDM-nin yarısından çoxu gizli iqtisadiyyatın payına düşür. Bunu leqallaşdırmaqdan ötrü Azərbaycanın hökumətinin hansısa proqramı varmı?
İndi isə ötən illər ÜDM-dəki artıma nəzər salaq:
2015 – 1,1%
2014 – 2,8%
2013 – 5,8%
2012 – 2,2%
2011– 0,1%
2010 – 5%
2009 – 9,3%
2008 – 10,8%
2007 – 25%
2006 – 34,5%
2005 – 26,4%
2004 – 10,2%
2003 – 11,2%
