Keçid linkləri

2016, 25 Sentyabr, bazar, Bakı vaxtı 00:53

Saakashvili-nin xanımı parlament seçkilərinə qatılır


Arxiv fotosu: Mikheil Saakashvili və xanımı Sandra Roelofs

Arxiv fotosu: Mikheil Saakashvili və xanımı Sandra Roelofs

Gürcüstanın keçmiş birinci ledisi Sandra Roelofs Mikheil Saakashvili-nin "Birləşmiş Milli Hərəkat" Partiyasının seçkiöncəsi mitinqində çıxış edib. O, oktyabrın 8-də keçiriləcək parlament seçkilərinə qatılmaq istəyini dilə gətirib. Xanım Roelofs öz namizədliyini Abxaziyanın qonşuluğundakı Zuqdidi rayonundan irəli sürəcək.

“Ərim səhvlərini təkrarlamayacaq...”

Kortsxeli kəndində keçirilən mitinqdə çıxış edən Roelofs hakimiyyət dəyişikliyindən bəri ölkədə inkişafın dayandığını vurğulayıb. Onun sözlərinə görə, Rusiya "artıq Gürcüstanın Kremlin əlinə keçməsini səbrsizliklə gözləyir".

Keçmiş birinci ledinin fikrincə, vətəndaşlar "düşmən planlarına" duruş gətirməkdən ötrü müxalif "Birləşmiş Milli Hərəkat" Partiyasına səs verməlidirlər. O, bu partiyanı "quruculuğu bərpa etməyə qadir" saydığını söylərək, söz verib ki, indi Ukraynada Odessa vilayətinin qubernatoru olan əri Mikheil Saakashvili Gürcüstana qayıdandan sonra "səhvlərini təkrarlamayacaq". Xanım Roelofs hansı səhvləri nəzərdə tutduğunu açıqlamayıb.

Arxiv fotosu: Mikheil Saakashvili xanımı Sandra Roelofs-la Tbilisidə seçki məntəqəsində, 21 may 2008

Arxiv fotosu: Mikheil Saakashvili xanımı Sandra Roelofs-la Tbilisidə seçki məntəqəsində, 21 may 2008

Üç ildir Gürcüstan vətəndaşıdır

Sandra Roelofs Niderland Krallığının təbəəsidir. Prezident Saakashvili 2013-cü ildə - səlahiyyətlərinin sona çatmasına cəmi bir neçə gün qalmış, ona Gürcüstan vətəndaşlığı verib. Sonradan büdcəni talamaq və vəzifə səlahiyyətlərini aşmaq ittihamları ilə Saakashvili-yə dörd cinayət işi açılıb.

Günün bütün mövzuları

XS
SM
MD
LG