Keçid linkləri

2016, 26 Sentyabr, Bazar ertəsi, Bakı vaxtı 12:46

-

“Azərbaycan hakimiyyətini jurnalist Xədicə İsmayılovaya səyahət qadağasını qaldırmağa və müxalifət lideri Natiq Cəfərlini və azadlıqlarından istifadəyə görə həbs olunmuş digərlərini azadlığa buraxmağa çağırıram”. Bunu Birləşmiş Ştatların BMT-dəki səfiri Samantha Power “Twitter” hesabında yazıb.

Avqustun 12-də Respublikaçı Alternativ (REAL) hərəkatının icraçı katibi Natiq Cəfərli barəsində qanunsuz sahibkarlıq və vəzifə səlahiyyətindən sui-istifadə ittihamlarıyla 4 aylıq həbs qətimkan tədbiri seçilib. REAL-ın daha 2 üzvü, Toğrul İsmayılov və Elşən Qasımov polisə tabe olmamaqda təqsirli bilinərək hərəsi 7 sutkalığa həbs olunub. NİDA-çı gənc Elgiz Qəhrəman barəsində isə narkotik maddələrlə bağlı ittihamla 4 aylıq həbs qətimkan tədbiri seçilib.

Daha öncə ABŞ Dövlət Departamenti, Böyük Britaniyanın Xarici işlər İdarəsi bəyanatlar verərək bu həbslərdən narahat olduqlarını dilə gətiriblər.

AzadlıqRadiosunun əməkdaşı Xədicə İsmayılova isə 2014-cü il dekabrın 5-də həbs olunub. Jurnalistə CM-nin 125-ci maddəsilə bəraət verilsə də, o, vergidən yayınma, mənimsəmə, qanunsuz sahibkarlıq, vəzifə səlahiyyətlərindən sui-istifadə kimi ittihamlarla 7 il 6 ay azadlıqdan məhrum edilib. Ali Məhkəmə 25 may 2016-cı il tarixli qərarı ilə mənimsəmə və vəzifə səlahiyyətlərindən sui-istifadə ittihamları üzrə də jurnalistə bəraət verib və o, şərti cəzayla həbsdən buraxılıb. Amma Xədicə İsmayılovanın ölkədən çıxmasına icazə verilmir. O, ittihamları qəbul etmir və korrupsiya araşdırmalarına görə cəzalandırıldığını bildirir.

Günün bütün mövzuları

XS
SM
MD
LG