Keçid linkləri

2016, 08 Dekabr, Cümə axşamı, Bakı vaxtı 20:43

İstanbulda biznes obyektlərində reyd keçirilib


Çevriliş cəhdindən sonra Ankarada nümayiş, 18 iyul, 2016-cı il

Çevriliş cəhdindən sonra Ankarada nümayiş, 18 iyul, 2016-cı il

-

Türkiyə polisi ötən aykı çevriliş cəhdindən sonra reydləri, həbsləri davam etdirir. Avqustun 18-də səhər tezdən İstanbulda təhlükəsizlik qüvvələri 100-dən çox məkanda reyd keçirib, açıqlanmayan sayda saxlanan var.

Prokurorlar 187 nəfərin həbsinə order verib. Onlar əsasən biznes və maliyyə sektorunda çalışır, ABŞ-da yaşayan Fethullah Gulen-i maliyyələşdirməkdə ittiham olunurlar.

Türkiyə hakimiyyəti Gulen-i 15 iyul çevriliş cəhdinin arxasında durmaqda suçlayır, Gulen bunu təkzib edir.

15 iyul hadisələrində 240-dan çox adam həlak olub.

Baş nazir Binali Yildrim avqustun 17-də bildirib ki, təhqiqatla əlaqədar 40 min 29 nəfər saxlanıb, onların təxminən yarısı həbs olunub.

Onun sözlərimə görə, Gulen-lə əlaqəsi olmaqda şübhəli bilinən 4 min 200 şirkət və müəssisə bağlanıb. 80 min nəfər dövlət vəzifəsindən kənarlaşdırılıb ki, onlar əsasən hərbi, ədliyyə, polis və dövlət qulluğunda çalışırdılar.

Avqustun 17-də hakimiyyət elan edib ki, 38 min məhbus azad olunacaq. Bu, “nəzarət altında azadlıq” proqramı çərçivəsində həyata keçiriləcək və məqsəd çevriliş cəhdindən sonrakı kütləvi həbslərin həbsxanalardan yaratdığı sıxlığı azaltmaqdır.

XS
SM
MD
LG