Keçid linkləri

2016, 26 Sentyabr, Bazar ertəsi, Bakı vaxtı 07:37

-

"Kitab Klubu"u Oxu Zalına yeni çıxmış 4 kitab haqda məlumat verib.

MUSTAFA ÇƏMƏNLİ

"Xallı gürzə"

Kitab XVIII əsrin əvvəllərində Nadir şahdan qaçmış və Qarabağ xanlığını yaratmış Pənah xandan bəhs edir.

Tarixi qaynaqları bədii təxəyyülünə söykək seçən müəllif əsərdə görkəmli sərkərdə, müdrik dövlət xadimi Pənah xanın Zəmanəyə diz çökməyən obrazını yaratmışdır. Xalqın dövranı qara gələndə Zaman onun böyük oğullarını xallı gürzə timsalında udub məhv edir. Roman bu qayə ilə – zaman və şəxsiyyətin faciəsi fonunda oxucunun qan yaddaşını oyadır, onu daxili düşüncəyə və yaşanmaya sövq edir.

Ernest Heminquey

Fiesta (roman)

Ernest Heminqueyin “Fiesta” ("Günəş doğur") romanı “itirilmiş nəsil” adlandırılanlardan bəhs edir. Romanın Birinci Dünya Müharibəsində fiziki və mənəvi işgəncələrə məruz qalan qəhrəmanları acı xatirələrdən uzaqlaşmağa çalışırlar. Onların hər biri bədbəxtdir: həyatda dayaq axtarırlar, amma tapa bilmirlər. Onların təlaşı, yeni təcrü-bələrə susuzluğu və səmimi ünsiyyətə olan aclığı buradan qaynaqlanır.

Kitabı dilimizə Tamella Abdıyeva tərcümə edib.

Stefan Sveyq / Stefan Zweig

ŞAHMAT (novella)

Stefan Sveyq “Şahmat” novellasında insanın dərin duyğularının ən gizlin qatlarına enməyi bacarıb. Sveyq poetikasının əsasını qəlbi oxumaq qabiliyyəti idi. Bu novella çox qısa zaman ərzində kəskin bir-birinə zidd olan iki insanın xarekterini çılpaqlığı ilə gözlər önünə sərir. Kitabı dilimizə Çərkəz Qurbanlı çevirib.

Əhməd bəy Ağaoğlu


Sərbəst İnsanlar Ölkəsində


(İlk nəşr: İstanbul, 1930)

Kitabı türk dilindən dilimizə Sevda İsmayılova və Zeynal Məmmədli çeviriblər.

Günün bütün mövzuları

XS
SM
MD
LG