Suriyada müxalif hərbi birləşmə özünü «İslam Dövləti» adlandıran yaraqlıların əsir aldığı dinc sakinləri xilas edib.
«Reuters» xəbər verir ki, müxalif hərbi birləşmə avqustun 13-də yaraqlıların əlində olan Mənbic şəhərində nəzarəti tam ələ keçirib.
Şəhərin 2 minə yaxın əsir saxlanan sakini azadlığa buraxılıb. Yaraqlılar onları qurduqları əsir düşərgəsində saxlayırmışlar.
Şəhərdə minadan təmizlənmə işləri aparılır. Əməliyyatda kürd və ərəb bölmələri iştirak edib. Onları havadan ABŞ-ın rəhbərlik etdiyi koalisiya qüvvələri dəstəkləyib.
«İslam Dövləti» yaraqlıları Mənbic şəhərinə 2014-cü ildən nəzarət edirdilər. Şəhər üzərində nəzarəti itirəndən sonra yaraqlılar Türkiyə ilə sərhəddəki, 3 ildir «İslam Dövləti»ndə olan Cerablus şəhərinə istiqamətləniblər.