Türkiyə prezidenti Recep Tayyip Erdoğan-ın Marmarisdə qaldığı otelə hücum edən və sonradan qaçıb gizlənə bilmiş 11 hərbçi tutulub.
Bu haqda Muğla valisi Amir Çiçek məlumat verib.
O bildirib ki, avqustun 1-ə keçən gecə 9, səhərə yaxın daha 2 hərbçi tutulub. Əməliyyatı xüsusi təyinatlı polislər həyata keçirib.
İyulun 15-də Türkiyədə hərbçi çevrilişə cəhd zamanı prezident Erdoğan-ın qaldığı otelə də hücum olmuşdu. Hücumdan az əvvəl Erdoğan oteli tərk edib İstanbula getmişdi.
Hərbi çevrilişə cəhd zamanı Türkiyədə 300-dən artıq adam həlak olub. Onlardan 200-dən çoxu dinc sakinlər olub.