Keçid linkləri

2024, 19 Mart, çərşənbə axşamı, Bakı vaxtı 14:14

Roma papası: “Dünya müharibədədir”


Roma papası Francis
Roma papası Francis

Roma papası Francis deyib ki, bu müharibə dinlər arasında deyil, əksinə “maraqlar, pul və resurslar” üstündədir

Roma papası Francis deyib ki, Avropa boyunca cihadçıların hücumları “dünyanın müharibədə olduğunu” göstərir.

Lakin o əlavə edib ki, bu müharibə dinlər arasında deyil, əksinə “maraqlar, pul və resurslar” üstündədir.

Roma papası bu bəyanatı Polşaya səfəri ərəfəsində, Fransada cihadçılar katolik keşişi qətlə yetirdikdən sonra səsləndirib.

Jacques Hamel ata Fransanın şimalındakı Sent-Etyen-du-Ruvrey kilsəsində səhər ibadəti zamanı öldürülüb.

Dünya sülhü uduzub

Ümumiyyətlə, isə ötən günlər və həftətlər ərzində Fransa və Almaniyada bir sıra zorakı hücumlar törədilib. Bunların əksəriyyətinin islamçılar tərəfindən həyata keçirildiyi düşünülür.

"Biz tez-tez müdafiəsizlik sözünü eşidirik, lakin əsl söz müharibədir – deyib müqəddəs ata, - Biz həqiqəti deməkdən qorxmamalıyıq. Dünya müharibədədir, çünki sülhü uduzub”.

"Mən müharibə deyəndə, din yox,maraqlar, pul, resurslar uğrunda müharibələri nəzərdə tuturam” – deyib Roma papası.

Bu bəyanatı səsləndirdikdən az sonra Roma papası katolik gənclərin festivalında iştirak etmək üçün Polşanın Krakov şəhərinə gəlib.

Bundan əvvəl Vatikan Polşa hökumətini miqrantlara sərt münasibətinə görə tənqid etmişdi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG