İyulun 24-də İraqın paytaxtı Bağdadda partlayış olub. Partlayış şiələrin yaşadığı Kadhimiyah rayonunun girişində baş verib. Partlayışı intiharçı törədib.
İlkin rəsmi məlumata görə, azı 6 nəfər həlak olub. 20-dən çox yaralı var. Ölənlərdən 3-nün polis olduğu bildirilir.
Terror aktına görə məsuliyyəti hələlik heç bir qruplaşma üstünə götürməyib.
İyulun 3-də törədilmiş və 290-dan artıq insanın həlak olduğu terror aktına görə məsuliyyəti “İslam Dövləti” qruplaşması (İŞİD) üstünə götürmüşdü.