Bakının Xətai rayonundakı 261 saylı məktəbin zirzəmisindən silah-sursat tapılıb.
Xəbəri Daxili İşlər Nazirliyi yayıb.
DİN bildirir ki,iyulun 12-də 261 saylı məktəbin direktoru məktəbin zirzəmisində təmir işləri aparılarkən silah və sursat tapılması barədə yerli polis idarəsinə məlumat verib.
Hadisə yerinə gəlmiş polis əməkdaşları oradan 1 ədəd alışqansız «F-1» qumbarası, 1 ədəd alışqanlı «RQD-5» qumbarası, 481 ədəd patron, 270 qram barıt, 1 ədəd patron darağı və 1 ədəd «Viola-M» rabitə qurğusu aşkar ediblər.
Silah-sursatın məktəb zirzəmisinə necə düşməsi hələ aydın deyil.