Keçid linkləri

2016, 30 Sentyabr, Cümə, Bakı vaxtı 08:54

Nemtsov-un qətli üzrə məhkəmə başlanır


Boris Nemtsov-un öldürüldüyü yer, arxiv fotosu

Boris Nemtsov-un öldürüldüyü yer, arxiv fotosu

-

Moskva Hərbi Məhkəməsi iyulun 25-də Boris Nemtsov-un qətlində təqsirli bilinən 5 çeçenə qarşı cinayət işinə baxmağa başlayacaq.

Proses qapalı keçiriləcək. Təqsirləndirilənlərin günahsız olduğunu deyən vəkillərin andlılar məhkəməsinin mühakiməsini istəyəcəyi gözlənir.

Ötən ay Rusiya Prokurorluğu Nemtsovun qətlinə görə beş nəfərə – Zaur Dadayev, Anzor Gubashev, Shadid Gubashev, Temirlan Eskerkhanov və Khamzat Bakhayev-ə ittiham irəli sürüb.

Kremlin tənqidçisi olan Nemtsov ötən il fevralın 27-də elə Kremlin yaxınlığında güllələnib.

Prokurorluq bildirir ki, təqsirləndirilənlər qətldən 15 milyon rubl (232 min dollar) qazanacaqlarmış.

Qətlin əsas təşkilatçısı olmaqda şübhəli sayılan Ruslan Mukhudinov axtarılır. O, Çeçenistan lideri Ramzan Kadyrov-un təhlükəsizlik qüvvələrinin üzvüdür.

Nemtsov-un qohumları və vəkilləri bu cinayət işinə skeptik yanaşır, qətlin Rusiyanın yüksək çinli rəsmiləri tərəfindən sifariş olunduğunu bildirir.

XS
SM
MD
LG