Keçid linkləri

2016, 30 Sentyabr, Cümə, Bakı vaxtı 05:31

-

Britaniyanın daxili işlər naziri Theresa May iyulun 13-də Britaniyanın növbəti baş naziri olacaq. İyulun 11-də onun Mühafizəkarlar partiyasındakı sonuncu rəqibi Andrea Leadsom seçki prosesindən çıxmalı olub.

59 yaşlı May bu postda David Cameron-u əvəzləyəcək. Cameron iyulun 12-də sonuncu dəfə kabinetin iclasına sədrlik edəcək və iyulun 13-də parlament üzvlərinin suallarına cavab verəcək. Daha sonra istefasını Kraliça Yelizavetaya təqdim edəcək.

Britaniyalılar iyunun 23-də Avropa Birliyindən çıxmağa (“Brexit”) səs veriblər. May də AB-də qalmaq tərəfdarıydı, amma referendumun nəticələrindən geri çəkilməyəciyini bildirir.

May iyulun 11-də deyib ki, “Brexit”in uğurlu olmasına çalışacaq.

Amma May onu da bildirib ki, Britaniyaya danışıqlar strategiyasını hazırlamağa vaxt lazımdır və o, bu ilin sonunadək rəsmi tərketmə proseduruna başlamayacaq.

XS
SM
MD
LG