Azərbaycan Ərazilərinin Minalardan Təmizlənməsi üzrə Milli Agentliyin mütəxəssislərinin iyulun 7-də 5500 kvadratmetr ərazidə təmizləmə işləri apardığı bildirilir.
Agentlikdən AZƏRTAC-a bildiriblər ki, Tərtər rayonunun Şıxarx kəndində 1 partlamamış tank əleyhinə qumbara (PQ-7) aşkar olunub. Hərbi sursatın Mərkəzi Məhvetmə Ərazisinə göndərildiyi deyilir.
Agentlik təkrar araşdırmaya başladıqları aprelin 7-dən iyulun 7-dək 1577 partlamamış hərbi sursat, 18 piyada, 15 isə tank əleyhinə mina aşkar edərək zərərsizləşdirdiyini bildirir.
Azərbaycan Ərazilərinin Minalardan Təmizlənməsi üzrə Milli Agentlik 1998-ci ildə təsis edilib.
Qarabağ cəbhəsində aprelin 2-dən 5-nə kimi təkrar hərbi əməliyyatlar baş verdikdən sonra agentlik bölgədə yenidən təmizlənmə işinə başlayıb.