Keçid linkləri

2016, 26 Sentyabr, Bazar ertəsi, Bakı vaxtı 23:01

-

İyulun 5-də Azərbaycan hərbi qulluqçusu Vüsal Əmir oğlu Əliyev sinayperdən atılan atəşlə həlak olub.

Xəbəri Azərbaycan Müdafiə Nazirliyi yayıb. Hadisənin saat 12 -30 radələrində baş verdiyi bildirilir.

Nazirlik qeyd edir ki, son üçtərəfli danışıqlarda əldə edilən razılaşmaya baxmayaraq Ermənistan tərəfi dövlət sərhədində növbəti dəfə təxribat törədib.

“Müdafiə Nazirliyi bildirir ki, bu təxribatın nəticələrinə görə, bütün məsuliyyət Ermənistanın kriminal hərbi-siyasi rejiminin üzərinə düşür”-deyə mətbuat xidmətinin açıqlamasında vurğulanır.

Qarabağ cəbhəsində aprelin 2-dən 5-dək hərbi əməliyyatlarda hər iki tərəfdən onlarla hərbçi həlak olub. Gərginliyi aradan qaldırmaqdan ötrü Qarabağ münaqişəsinin tənzimlənməsində vasitəçi olan ATƏT-in Minsk qrupu həmsədrlərinin təşəbbüsü ilə mayın 16-da Vyanada Azərbaycan və Ermənistan prezidentlərinin görüşü keçirilib. Görüşdən sonra ATƏT-in Minsk qrupu həmsədrlərinin bəyanatında qeyd edilirdi ki, hər iki prezident münaqişənin sülh yolu ilə həllinə sadiq olduqlarını bildiriblər.

Ötən ayın 20-də isə Azərbaycan və Ermənistan dövlət başçılarının Rusiya prezidenti Vladimir Putunun iştirakı ilə görüşü keçirilmişdi.

Günün bütün mövzuları

XS
SM
MD
LG