Xırdalan dairəsi və Sulutəpə qəsəbəsinin bəzi hissəsinə yenidən su verilmir.
Bu barədə AzadlıqRadiosu-na sakinlər özləri məlumat veriblər. Onların deməsinə görə, son bir həftədə cəmi bir gün su verilib:
«3 gün idi su verilmirdi. Müxtəlif yerlərə şikayət etdik, cəmi bir gün su verdilər. İndi də 2 gündür susuz qalmışıq» – şikayətçilərdən biri bildirib.
Sakinlərin deməsinə görə, hökumətin əhaliyə pulla satdığı suyu kəsməsini heç cürə başa düşmürlər.
«Orucluq ayında bütün bunlar göstərir ki, məmurlar nə hökumətdən, nə də Allahdan qorxurlar» – başqa bir sakin deyib.
«Azərsu» ASC-nin mətbuat xidmətindən Xırdalan dairəsinə suyun verilməməsi təzyiqin aşağı olması ilə izah edilmişdi.