Keçid linkləri

2024, 29 Mart, Cümə, Bakı vaxtı 00:50

Suriyada döyüşən azərbaycanlı: "Cinsi əlaqəyə məcbur edildim"


►"Hər gün 3 dəfə pulsuz yemək və 750 Suriya pulu..."

Suriyada döyüşən məhkəmədə nələr danışdı

“Kürd qüvvələriylə döyüşlərdə əsir düşdüm. Əsirlikdə olanda gördüm ki, kürd qadınlar düşərgədə qulluqçu kimi işləyir. Orada kürd qadınlarla cinsi əlaqəyə girmək və başqa məqsədlər üçün istifadə olunmuşam”.

Bunu Bakı Ağır Cinayətlər Məhkəməsində mühakiməsi davam edən Rufan Ağcabəyov deyib.

Suriyada Bashar al-Assad rejiminə qarşı döyüşməkdə ittiham olunan Rufan Ağcabəyovla Marfin Vladimirin məhkəməsi 1 aya yaxındır ki, davam edir.

Müttəhimlər hər dəfə məhkəmə iclaslarında “macəralarından” danışırlar. Məsələn, bu dəfə Rufan əsirlikdə olarkən başına gələnlərdən danışarkən deyib ki, saxlandığı düşərgədə hər gün kürd qadınlarla zorən cinsi əlaqəyə girib. Hakimin suallarını cavablandıran Rufan onu Suriyaya aparan yollardan da söz açıb:

“Mən ora Orxan adlı bir nəfərin vasitəçiliyi ilə, Türkiyədən keçərək gedib çıxmışdım. Xeyli azərbaycanlı vardı. İşimin adı “camaat”ın yerləşdiyi inzibati binaya gecə və gündüz keşik çəkmək idi. Silah da vermişdilər – “AK-74” avtomatı... Ümumiyyətlə, orda vəziyyət belədir - Suriya ərazisində“Azəri camaatı” iki yerə bölünür. Bir hissəyə Abu Yəhya, ikinci hissəyə Xalid başçılıq edir. Abu Yəhyanın dəstəsində 70-80, Xalidin dəstəsində 15-20 azərbaycanlı var. Mən Xalidin dəstəsindəydim. Xalidin dəstəsi hələ yeni yaranmaqdaydı. “Azəri camaatı”nın tərkibi təkcə azərbaycanlılardan ibarət deyildi. “Camaat”da Dağıstandan və başqa yerlərdən müxtəlif millətlərdən olan insanlar cəmləşib”.

ƏRƏB ŞEYXLƏRİNİN YARDIMI

Təqsirləndirilən şəxs danışır ki, getdiyi gündən qoruduğu qərargahda - Atma qəsəbəsindəki yüksəklikdə olub. Qərargaha keşik çəkdiyi müddətdə Xalidin yanına xeyli azərbaycanlının gəlib getməsinin şahidi olub. O, ifadəsində göstərib ki, ərəb şeyxləri tez-tez “Camaat”a yardımlar göndərirmiş.

Əsir düşdüyü müddəti isə həyatının ən ağır günləri hesab edir. O, əsirlikdə olarkən düşərgədə kürd qadınlarının xidmət göstərdiyini, əsirlərin həmin qadınlarla zorla cinsi əlaqəyə məcbur edildiyini də deyir.

Rufan Suriyaya hansı marağa görə getməsi ilə bağlı suala “orda gündə üç dəfə pulsuz yemək və 750 Suriya pulu verilirdi” deyə cavab verib. O, bildirib ki, Xalidin və Abu Yahyanın dəstəsinin məqsədi İslam Dövləti (İŞİD) silahlı qruplaşmasına qoşulanları ərzaq və hərbi geyimlərlə təmin etmək, həmin ərzaqları və geyimləri qaçaq yolla Suriyaya keçirmək olub.

Əslən Xaçmaz rayonundan olan Rufan Ağcabəyovun qardaşı Urfan Ağcabəyov da Suriya döyüşlərindən birində öldürülüb. Hər iki qardaş Qarabağ müharibəsi iştirakçıları olub.

Həmçinin baxın - AzadlıqRadiosunun Youtube Kanalında izləyin:

DİNLƏ: Günün əsas hadisələri Azadlıq Radiosunda - 1 iyul

Azərbaycanda nə qədər insan həkim səhvinin qurbanı olur?
Gözlə

No media source currently available

0:00 0:30:00 0:00
Direct-ə keçid

BAX: Günün əsas hadisələri Azadlıq Radiosunun TV proqramında - 1 iyul

11 nəfər 1 otaqda yatırıq - Qəzalı binanın sakinləri danışır

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG