Keçid linkləri

2016, 28 Sentyabr, çərşənbə, Bakı vaxtı 02:20

Bu gün Tbilisidə ATƏT Parlament Assambleyasının XXV yay sessiyası başlayır.

APA-nın xəbərinə görə, sessiya «Parlament əməkdaşlığının 25 ili: dialoq vasitəsilə etimadı gücləndirərək» mövzusuna həsr olunub.

Sessiyanın açılışında Gürcüstanın dövlət, hökumət və parlament başçılarının, ATƏT PA-nın prezidenti Ilkka Kanerva-nın, ATƏT-in fəaliyyətdə olan sədri, Almaniyanın xarici işlər naziri Frank-Walter Steinmeier-in çıxış edəcəyi gözlənilir.

Toplantıda Dağlıq Qarabağ, Ukrayna və Gürcüstandakı dondurulmuş münaqişələrin müzakirə ediləcəyi bildirilir. Habelə, Krımda fundamental azadlıqlar, Avropada neonasizm və iqlim dəyişikliyi ilə bağlı məsələlərin də nəzərdən keçirilməsi gözlənilir.

Azərbaycan Milli Məclisinin sədr müavini Bahar Muradovanın başçılığı ilə nümayəndə heyəti artıq Tbilisidədir.

Sessiya iyulun 5-dək davam etməlidir.

Günün bütün mövzuları

XS
SM
MD
LG